UTT AMIS YATOA ELIMU YA UWEKEZAJI KWA WAFANYAKAZI WA TAASISI YA MIFUPA (MOI)

Afisa Masoko na Uhusiano Mwandamizi wa UTT AMIS, Rahim Mwanga akizungumza na Wafanyakazi wa MOI juu ya faida za uwekezaji katika mifuko ya uwekezaji wa pamoja inayoendeshwa na UTT AMIS. (PICHA NA KHAMISI MUSSA)

UTT AMIS ni kampuni inayoendesha mifuko  ya uwekezaji wa pamoja hapa nchini. Mpaka sasa inaendesha mifuko mitano ambayo ni Mfuko wa Umoja, Mfuko wa Wekeza Maisha, Mfuko wa Watoto, Mfuko wa Kujikimu na Mfuko wa Ukwasi yenye jumla ya thamani ya zaidi ya Shilingi bilioni 285. 

Akizungumza katika Mkutano wa Pili wa Baraza la Nne la wafanyakazi wa MOI lililofanyika Mkoani Tanga Bwana Mwanga  alisema;

Mifuko ya uwekezaji wa pamoja ni fursa mbadala inayowezasha watu ,vikundi,taasisi na kampuni sawa na mahitaji yao kuwekeza pesa zao kwa meneja wa mfuko(UTT AMIS) kisha meneja huwekeza fedha hizo katika masoko ya fedha na masoko ya mitaji kulingana na waraka wa makubaliano. Faida ipatikanayo hugawanywa kwa wawekezaji kulingana na uwiano wa uwekezaji waliofanya katika mfuko husika. 

Mifuko yote hii imeweza kukidhi vigezo  muhimu vya uwekezaji ambavyo ni Usalama,Ukwasi na Faida (Safety, Liquidity and Returns).  Wawekezaji wote wananufaika  kwa kupata faida shindani, uwekezaji mseto hufanyika ili kupunguza hatari za uwekezaji,utalaamu wa meneja wa mifuko,unafuu wa mkubwa wa gharama na uwazi kwani bei halisi ya vipande vya mifuko hutangazwa kila siku za kazi.
        UTT AMIS - Mshirika hakika katika uwekezaji.

• email
• facebook
• linkedin
• twitter
• reddit
• google+

Author Name

Author Description!

Get Free Email Updates to your Inbox!

• Rss
• Twitter
• FaceBook
• Google +