Shule za Kiislamu za Uingereza zimeweka historia kwa kushika nafasi tatu za kwanza katika orodha ya shule boza zaidi nchini humo.
Orodha iliyotolewa na Wizara ya Elimu ya Uingereza inaonesha kuwa shule za Kiislamu zimeshika nafasi tatu za kwanza na kwamba shule 8 za Kiislamu zimo kati ya 20 bora zilizofanya vizuri zaidi kote nchini humo.
Shule ya sekondari ya Tauheedul Islam katika mji wa Blackburn ndiyo iliyoshika nafasi ya kwanza kati ya shule zote bora nchini Uingereza ikifuatiwa na shule ya sekondari ya wanaume ya Eden katika mji wa Birmingham. Shule ya Kiislamu ya wanawake ya Eden katika mji wa Coventry imeshika nafasi ya tatu kitaifa.
Shule na vituo vingine 5 vya Kiislamu vimeorodheshwa pia katika shule 20 bora na zilizofanya vizuri zaidi kwa mujibu wa taarifa iliyotolewa na Wizara ya Elimu ya Uingereza.
Mafanikio haya ya shule za Kiislamu nchini Uingereza yamezifariji jamii za Kiislamu nchi humo kwani mbali na kuonesha kazi nzuri inayofanyika katika taasisi za kielimu za Waislamu vilevile yatasaidia kuondoa sura na propaganda chafu zinazoenezwa nchini humo na katika nchi za Magharibi kwa ujumla dhidi ya Waislamu.
Vigezo vilivyotegemewa na Wizara ya Elimu ya Uingereza katika kuchagua shule bora ni pamoja na kufanya vizuri zaidi wanafunzi katika masomo kama hesabati, sayansi na fizikia, daraja zao katika mtihani wa mwaka, idadi ya wanafunzi waliomaliza katika shule hizo na wepesi wa kupata ajira au kuendelea na masomo ya juu zaidi.
Shule 28 tu kati ya 6800 za Kiislamu ndizo zinazotambuliwa rasmi na serikali nchini Uingereza na aghabu ya shule hizo hazipati msaada wowote wa serikali ya London.
Author Name
Author Description!
Get Free Email Updates to your Inbox!
Post a Comment