Na Lydia Lugakila-: Bukoba
Waziri wa ulinzi na jeshi la kujenga Taifa, Alhaj. Dkt Hussein Mwinyi atua Mkoani Kagera kwa ajili ya kutatua changamoto iliyopo kati ya kambi ya jeshi ya Kaboya na wananchi.
Akiwa katika ofisi za mkoa wa Kagera kabla ya ziara hiyo ya kikazi ya kutembelea kambi zenye changamoto ikiwemo ya Kaboya iliyopo wilayani Muleba mkoani Kagera waziri Mwinyi ameahidi kupambana na changamoto ya Kutoelewana kati ya kambi hiyo na wananchi.
Akizungumzia changamoto ya kutokuwepo kwa maelewano mazuri kati ya wananchi na kambi hiyo Waziri Mwinyi amesema kuna baadhi ya kambi zimekuwa na changamoto na wananchi na kuwa kufika kwake mkoani hapa ni baada ya kupokea taarifa tangu mwaka 2014 ilipoamliwa wananchi walioko ndani ya eneo la kambi hiyo walipwe fidia na wapishe eneo hilo ili jeshi liweze kutekeleza majukumu yake kwa ufanisi
Waziri Mwinyi amesema kutokana na suala hilo la muda mrefu sasa ameamua kufika ili kuzungumza na wananchi wa eneo hilo ili suala la maelewano liwepo ambapo amesema kwa makubaliano yaliyofanyika 2014 yalijumuisha mipaka kurekebisha.
Waziri Mwinyi amemshukuru mkuu wa mkoa wa Kagera Bligedia jenerali Marco Elisha Gaguti kwa juhudi kubwa za kuhakikisha mkoa unakuwa salama.
Kwa upande wake mkuu wa mkoa wa Kagera Brigedia Jenerali Marco Gaguti amemuomba waziri Mwinyi kuongeza ulinzi katika ziwa Victoria.
Akijibu ombi hilo waziri Mwinyi amemhakikishia mkuu wa mkoa kuwa tayari suala hilo limeanza kufanyiwa kazi ambapo kituo chao kitakachokuwa kigogo feli kilichopo Mkoani Mwanza kitaongezewa uwezo ili kutoa ulinzi wa kutosha katika ziwa victoria.
Hata hivyo Brigedia Jenerali Marco Elisha Gaguti ameahidi kuendelea kushirikiana na vyombo vingine vya ulinzi na usalama katika kuhakikisha mkoa unakuwa salama.
Author Name
Author Description!
Get Free Email Updates to your Inbox!
Post a Comment