PASS TRUST YAKUBALI OMBI LA PINDA, RC MTAKA KUFUNGUA OFISI DODOMA

 

Mwenyekiti wa Bodi ya Taasisi ya Pass Trust, Dkt. Taus Kida akimkabidhi zawadi Mgeni rasmi Waziri Mkuu mstaafu Mizengo Pinda wakati wa ufunguzi wa Wiki ya Maonesho ya Pass Trust kwenye viwanja vya Nyerere Square jijini Dodoma Julai 22, 202i. Kushoto ni Mkuu wa Mkoa wa Dar es Salaam, Anthony Mtaka.

Mkuu wa Mkoa wa Dodoma Anthony Mtaka, akizungumza wakati wa ufunguzi wa Wiki hiyo, ambapo aliwataka wananchi wa mkoa huo kufika kwa wingi kwenye maonesho hayo ili wajifunze lakini pia kupata fursa za mikopo kupitia taasisi hiyo ya Pass Trust.

Waziri Mkuu mstaafu Mizengo Pinda akihutubia alipokuwa akifungua Wiki ya Maonesho ya Pass Trust kwenye viwanja vya Nyerere Square jijini Dodoma, ambapo aliishauri Taasisi hiyo kujitangaza zaidi ili ijulikane kwa wananchi ili wazitumie vyema fursa mbalimbali wanazozitoa kwa lengo la kuboresha kilimo, uvuvi na ufugaji.

Mkuu wa Kitengo cha Mawasiliano wa Pass Trust, Bevin Bhoke akizungumza alipokuwa akitoa utambulisho wakati wa ufunguzi wa wiki hiyo. 

Meya wa Jiji la Dodoma,  Davis Mwanfupe akizungumza wakati wa ufunguzi wa wiki hiyo ya maonesho ya Pass Trust.

Baadhi ya Wadau wakisikiliza kwa makini wakati wa ufunguzi wa huo.

Kaimu Mkurugenzi wa Pass Trust, Anna Shanalingigwa akitoa neno la utangulizi kuhusu umuhimu wa Wiki hiyo ambayo imewakutanisha wadau na wanufaika wa taasisi hiyo.

Mwenyekiti wa Bodi ya Pass Trust,  Dkt. Taus Kida akizungumza wakati wa ufunguzi wa wiki hiyo, ambapo alikubali ombi la Waziri Mkuu mstaafu, Mizengo Pinda na Mkuu wa Mkoa wa Dodoma, Anthony Mtaka la kufungua ofisi ya taasisi hiyo makao makuu Dodoma.

Mkuu wa Wilaya ya Dodoma Mjini, Jabir Shekimweri akielezea umuhimu wa wananchi kuchangamkia fursa nzuri ya kupata mkopo wa zana za kilimo bila dhamana.

Mkuu wa Mkoa wa Dodoma, Anthony Mtaka akijadiliana jambo na Mwenyekiti wa Bodi ya Pass Trust, Dkt. Taus Kida.

Baadhi ya wadau na wanufaika pamoja na waandishi wa habari 

Mzee Pinda akijadiliana jambo na Dkt. Taus Kida wa Pass Trust.

Watumishi wa Pass Trust wakiwa katika picha ya pamoja na viongozi 

Wadau na wanufaika wa Pass Trust wakiwa katika picha ya pamoja na viongozi walioalikwa wakati wa ufunguzi wa wiki hiyo.

PICHA ZOTE NA RICHARD MWAIKENDA

Na Richard Mwaikenda, Dodoma

TAASISI ya Pass Trust inayojihusisha na Uendelezaji wa Kilimo, imekubali ombi la kufungua ofisi Makao Maku ya nchi Dodoma.

Akizungumza wakati wa ufunguzi wa Wiki ya Maonesho ya Pass Trust, Mwenyekiti wa taasisi hiyo, Dkt. Taus Kida,alisema licha kuwa na ofisi ya uatamizi wilayani Kongwa, wana mpango wa kufungua ofisi ya kisasa jijini Dodoma.

Dkt. Tausi amekubali ombi hilo lililotolewa na Waziri Mkuu mstaafu, Mizengo Pinda na Mkuu wa Mkoa wa Dodoma walioishauri taasisi hiyo kuwa kuna umuhimu wa taasisi hiyo muhimu kwa wakulima kufungua ofisi makao makuu Dodoma kwa lengo la kuboresha kilimo na hasa zao la mkakati la zabibu.

"Pass njooni Dodoma tuna vikundi vingi na vyama vya ushirika vipo ili muviunganishe na vyombo vya fedha, lakini pia naomba muwe karibu na ofisi ya mkoa mratibu jinsi ya kufanya mikutano na wawakilishi wa wananchi madiwani katika Kata 41 za jiji la Dodoma, " amesema Pinda maarufu kama Mtoto wa mkulima.

Amesema ujio wa Pass mkoani humo utawafanya wakulima kupata mitaji kwa kuwaunganisha na taasisi za fedha, lakini pia  kulima kisayansi na maarifa hivy kupata mafanikio mazuri.

Mkuu wa Mkoa wa Dodoma, Anthony Mtaka  amesema kuwa ujio wa Pass Trust utaamsha kilimo biashara Dodoma na Kanda ya Kati, lakini pia kuwa wadau wakubwa wa zao la kimkakati la zabibu.

• email
• facebook
• linkedin
• twitter
• reddit
• google+

Author Name

Author Description!

Get Free Email Updates to your Inbox!

• Rss
• Twitter
• FaceBook
• Google +