Na Bashir Nkoromo, CCM Blog, Dar es Salaam
Mkutano Mkuu wa Umoja wa Vijana wa Chama Cha Mapinduzi (UVCCM), Kata ya Mabibo, utafanyika kesho Disemba 30, 2021, katika Ukumbi wa Chuo cha Usafirishaji Taifa (NIT), na Mgeni rasmi anatarajiwa kuwa Mwenyekiti wa CCM Mkoa wa Dar es Salaam Mama Kate Kamba.
Taarifa iliyotumwa kwenye Vyombo vya Habari imeeleza kuwa Mkutano huo umelenga kwenda kufanya ukaguzi wa miradi ya maendeleo sambamba na kuyaelezea yale yote mazuri yaliofanywa katika utekelezaji wa ilani ya Chama Cha Mapinduzi (CCM)
Imeeleza kuwa mkutano huo utafanyika sanjari na Kampeni ya 'Duka la Mama lina bidhaa nzuri njoo ujionee', ambapo wauza duka wa bidhaa hizo ni viongozi mbalimbali kutoka (CCM) ambao ni Rais Samia Suluhu Hassan, Mbunge, Diwani na Wenyeviti wa Serikali za Mitaa.
“UVCCM Mabibo imekuja na kampeni ya kulitangaza duka lenye bidhaa nzuri na makini kabisa ambapo wauza duka wao ni makini ambayo ni miradi ya maendeleo.
Miongoni mwa bidhaa hizo, ni Barabara ya lami kutoka Chuo cha NIT-Mburahati-Magomeni, Matundu ya vyoo katika Shule ya Msingi Mabibo, Wodi ya Wazazi katika Zahanati ya Mabibo, Ukarabati wa Barabara ya lami Mabibo-Big Brother, Madarasa manane katika Shule ya Sekondari Mabibo na Uzio katika Shule ya Msingi Mpakani", imefafanua taarifa hiyo.
Kwa mujibu wa taarifa hiyo Mkutano huo umebeba kauli mbiu “Tupo sambamba na wauza duka wetu”, kwani bidhaa za Mama zinauzika” na Wananchi wameombwa kujitokeza katika mkutano huo ili kujionea bidhaa hizo.
Author Name
Author Description!
Post a Comment