Baadhi yao wamekuwa wakionekana kuwa na fedha mikononi kama inavyoonekana pichani kushoto ambapo mpambe wa mgombea akihesabu fedha huku mgombea akijitambulisha kwa wapiga kura.
Wagombea hao wamekuwa wakikusanya wapiga kura au viongozi na kuwaomba kura huku wakiahidi kufanya mambo mbalimbali pindi watakaposhinda.
Uchunguzi unaonyesha baadhi ya watu hao waliochukua fomu wamekuwa wakisema wanakwenda kwa wapiga kura ili kufahamiana.
Kwenye mojawapo ya tukio, mmoja wa watu waliochukua fomu ya Uenyekiti Wazazi Wilaya ya Kibaha Mjini alikutwa akizungumza na wapiga kura huku akiahidi mengi kufanya kama atashinda nafasi hiyo.
Baadhi ya waliochukua fomu walipoulizwa wakasema hawaoni kama kuna ubaya kujipitisha kwa sababu kunawasaidia kujulikana kwa wapiga kura kwani muda wanaopewa kujieleza siku ya kupiga kura huwa ni mdogo kiasi kwamba inakuwa ngumu kwa wapiga kura kuwafahamu vizuri.
Hata hivyo kwa mujibu wa kanuni za uchaguzi sio sahihi kwa mtu aliyechukua fomu kupita kwa wapiga kura. Viongozi wakuu wa CCM Taifa wamekuwa wakikemea vitendo hivyo.
Author Name
Author Description!
Get Free Email Updates to your Inbox!
Post a Comment