Tegeta, Dar es Salaam.
Baba Halisi ambaye ni Kiongozi Mkuu wa Kanisa Halisi la Mugu Baba, 19 Buli, 1 Majira Halisi) (27, Novemba, 2022), kulingana na Sauti, atafanya mkutano mkubwa na watu wote wa ngazi zote bila kubagua dini, ambao utafanyika katika Hoteli ya Lake Tangayika mkoani Kigoma.
Taarifa iliyotolewa na Baba Halisi imesema, lengo la mkutano huo ambao utafanyika kuanzia kuanzia saa 8: 00 mchana hadi saa 11: 00 jioni, ni kuwafungua uelewa Wenyejii wa mkoa wa Kigoma kwa kuwapa ujumbe kwamba Wafanyeje ili wapokee Baraka iliyopo?
Baba Halisi, amesema kuna mambo ambayo yanathibitisha kuwa Kigoma, Tanzania ni eneo ambalo limebarikiwa kuliko maeneo mengine yote, lakini wenyeji wengi wa mkoa huo bado hawajapokea baraka hiyo, siyo kwa sababu hawataki ila ni kwa sababu hawajajua wafanyeje.
Amesema, mambo ambayo yanathibitisha kuwa Kigoma, Tanzania ni eneo ambalo limebarikiwa kuliko maeneo mengine yote kuwa mengi na akayataja baadhi aksema;
"Miaka ya 1860, Dr. Livingstone kutoka Uingereza alikuja Kigoma akidai kuwa anatafuta Chanzo cha Mto Nile. Baada ya Sauti kuu ya CHANZO HALISI kusikika mara Nne Kigoma Tanzania, imejulikana kuwa alikuwa anatafuta CHANZO CHA SAUTI, ila Majira Halisi ya jambo hilo ilikuwa bado haijatimia.
Karne ya kumi, watu wa Mashariki ya Kati walikuja Pwani ya Afrika Mashariki, wakaiita Jiji ambalo kwa sasa linajulikana kama Dar-es Salaam, kuwa ni Bandari Salama. Pamoja na kuiona Bandari Salama, bado wakaona haitoshi bila kufika Ujiji-Kigoma. Sababu za kuitafuta Ujiji–Kigoma, kwa kipindi kile hazikuwekwa wazi. Ila baada ya Sauti Kuu ya CHANZO HALISI kusikika mara Nne KigomaTanzania; imejulikana kuwa walikuwa wanatafuta CHANZO CHA SAUTI, ila Majira sahihi ilikuwa bado haijatimia.
Wajerumani nao pia wakati wa Germany East Afrika, waliweka Makao Makuu yao Kigoma ili kutawala vizuri Tanganyika, Burundi na Rwanda. Sababu kwa kipindi kile haikujulikana, ila baada ya Sauti ya CHANZO HALISI kusikika mara Nne Kigoma–Tanzania, imejulikana kuwa walichokuwa wanalenga ni CHANZO CHA SAUTI, ila Majira ilikuwa bado haijatimia.
Waswidishi wakati wamekuja na Ufahamu ulioanzia Mashariki ya Kati huku Afrika Mashariki mwanzoni mwa miaka ya 1900, walianzia Tanzengwa Tabora. Baadaye waligundua kuwa mahali wanapopatafuta siyo hapo wakaja kujenga makao yao Bigabiro Kigoma Mwaka 1932! Kipindi kile ilionekana ni suala la injili tu, ila baada ya Sauti ya CHANZO HALISI kusikika mara Nne Kigoma Tanzania, imejulikana kuwa hata wao walichokuwa wanalenga ni CHANZO CHA SAUTI.",
"Kwa nini walikuwa wanalenga kupata Sauti ya CHANZO HALISI? Sababu ni kwamba maendeleo yote tunayoyaona Ulaya, Amerika, Asia, Australia, New Zealand na baadhi ya mataifa ya Afrika, ni Sauti ya CHANZO HALISI iliyosikika kwa Moyo wa Mwanzo (Mwa.1:1); kwa Kerubi (Eze.28:15); kwa Adamu (Mwa.2:15); kwa Musa (Kut.3:10); kwa Eliya Mtishbi (I Fal.17:1); kwa Yesu (Mdo.10:38); kwa Adamu wa Pili akiwa Kigoma Tanzania (Yoh.9:7/IKor.15:44-49); kwa Miaka 1000 akiwa Kigoma Tanzania (Isa.33:6) na Nafsi ya Kwanza pia Kigoma Tanzania (I Yoh.5:8), akafafanua Baba Halisi na kuongeza, akisema;
"Katika sauti hizo nilizoorodhesha hapo juu, Sauti ya CHANZO HALISI kwenda kwa Moyo wa Mwanzo, hakuna ajuaye kuwa ilisikika wapi hasa. Hilo limebaki ni suala ambalo liko kwenye Meza ya CHANZO HALISI mwenyewe. Aidha, Sauti ya CHANZO HALISI kwa Kerubi na Adamu wa Kwanza, hakuna ajuaye waziwazi kuwa ilisikika wapi hasa.
Sauti ya CHANZO HALISI kwa Musa; Eliya Mtishbi na Yesu inajulikana kuwa ilisikika Israeli. Sauti ya CHANZO HALISI kwa Adamu wa Pili; kwa Miaka 1000, kwa Nafsi ya Kwanza na Ujio wa CHANZO HALISI mwenyewe ni Tanzania, kupitia eneo la Kigoma. Kwa Sauti ya CHANZO HALISI kusikika mara Nne Kigoma Tanzania, ni kweli eneo hili la Tanzania limebarikiwa kuliko eneo lolote, maana ni eneo ambalo limepokea Sauti mara Nne, wakati Israeli wao wamepokea Sauti kama hiyo mara tatu tu."
Baada ya kutoa ufafanuzi, Baba Halisi, akaeleza thamani ya Sauti ya Chanzo Halisi iliyosikika Kigoma, Tanzania mara nne (4), akisema;
(1) Mwaka 2003, Adamu wa Pili aliisikia Sauti ya CHANZO HALISI akiwa Kigoma Tanzania, iliyokuwa inamwagiza Kujenga Kanisa litakalomwabudu MUNGU wa kweli (Isaya 65:16) na kuvunja misingi yote mibaya katika watu na maeneo waishimo. Hata hivyo, baada ya kukutana na Danieli 7:7, kusudi hilo halikutimia.
(2) Mwaka 2015, Miaka 1000 alipokea Sauti ya CHANZO HALISI ambayo ilitaka asimamishe Majira Imara, Ukombozi tele na Kumcha CHANZO HALISI (Isaya 33:6). Baada ya Miaka 1000 kukutana na Danieli 12:7-11, alimpisha CHANZO HALISI ndiye aongoze Kanisa ili asipatwe na yaliyotokea kwa wote Waliotumwa. Baada ya Miaka 1000 kumpisha CHANZO HALISI, ilikuja Sauti ya kutuvusha korongo la giza katika II Kor.4:6.
(3) Mwaka 2019, ilikuja Sauti Mpya ambayo ni zaidi ya zile sauti Saba za waliotumwa wote. Sauti hii ilisikika wakati wa Hija ya Mwaka 2019 ambayo ilifanyika Kigoma, Mwanga Community Centre. Hiyo ndiyo Sauti iliyofuta pepo teleza aliyekuwa anasumbua Mji wa Kigoma kwa muda mrefu. Jina jipya ndilo lililokuja kwanza kwa mujibu wa I Kor.15:24-28, yaani MUNGU BABA ambaye ndiye Nafsi ya Kwanza.
(4) Ilipofika Mwaka 2020, Nafsi ya Kwanza ilipimwa na janga la Korona, ikabidi Sauti ya Moyo ije kupitia Kigoma Tanzania kutuponya korona. Sauti ya Moyo ndiye CHANZO HALISI, yaani uhalisia wa MUNGU BABA. Tumepona Korona; Kimbunga job; Ebola; Volcano; Vita za aina mbalimbali; na tumepata Amani kupitia Sauti ya CHANZO HALISI iliyosikika Kigoma Tanzania.
Aidha, Sauti ya CHANZO HALISI iliyosikika kigoma imetufanyia mengi kama ninavyoonyesha baadhi ya mambo hayo ifuatavyo:
1) Hija ya CHANZO HALISI
Katika Matendo 8:27-39, tunashuhudia jinsi watu Mashuhuri na wasio Mashuhuri, walivyokuwa wakienda Mashariki ya Kati kuabudu. Wengine walienda kwa Magari, kwa Ndege na wengine kwa Meli. Tulichokuwa tunafuata kule Mashariki ya Kati ni Sauti iliyosikika kule.
Sasa Sauti ya Moyo iko Tanzania. Watu wote Kaskazini, Kusini, Mashariki na Magharibi mwa Uumbaji wote wajue kuwa Hija ya CHANZO HALISI iko Tanzania, Mjini Kigoma. Hija haiko Mashariki ya Kati tena. Kama walivyokuwa wanaendesha Magari, Ndege na Meli kwenda Mashariki ya Kati sasa waje Tanzania. Hija hii inatokana na Sauti ya CHANZO HALISI iliyosikika Kigoma Tanzania.
2) Majira na Wakati Halisi
Katika Isaya 33:6, tunasoma kuwa ilikusudiwa tangu Chanzo kuwepo na Majira Imara, Majira ya ukombozi tele, Majira ya Kumcha CHANZO HALISI, na ya Raha tele. Ukitoa zile alama mbili, unapata 336; ikiwa na maana ya Miezi12 x siku 28=336 kwa Mwaka. Dunia iliamua kuzidisha Mwezi na kuongeza Siku 3, Mwezi ukawa na Siku 29, 30 na 31.
Hivyo, badala ya Mwaka kuwa na Siku 336, wakasema kuwa Mwaka una Siku 365 ¼!
Hii ina maana kuwa Mwaka badala ya kuwa na Miezi 12, ukawa na Miezi 13. Kuthibitisha hili, baadhi ya Mashirika Makubwa ya Ndani na Nje, wanalipa Wafanyakazi wao Mshahara wa Miezi 13, badala ya Miezi 12! Zaidi ni kwamba mtu mwenye umri wa Miaka 12, kumbe anajikuta ana Miaka 13. Mwenye Miaka 24, kumbe anakuwa na Miaka 26! Mwenye Miaka 36, kumbe anakuwa na Miaka 39. Mwenye Miaka 48, kumbe anakuwa na Miaka 54. Ambaye amefikisha Miaka 60, kumbe anakuwa ana Umri wa Miaka 65, na kadhalika.
Hiyo Miaka ya ziada ilitengenezwa na dunia ili kuhifadhi ndani ya mtu: makunyanzi; magonjwa; shida; adha; matatizo; utumwa na kadhalika. Ufahamu huu unatokana na Sauti ya CHANZO HALISI iliyosikika Kigoma Tanzania.
3) Kilele cha Ibada Halisi
Katika Warumi 10:4, Kitabu kinasema kuwa Kilele cha Ibada ni Mwana! Ingawa Mwana mwenyewe alisema katika Yohana 9:28-29, kuwa BABA ni Mkuu kuliko Yeye. Aidha, katika Yohana 4:23, Mwana alisema saa ipo na inakuja ambapo Waabuduo Halisi, Watamwabudu BABA, ambaye ndiye Aliyewaumba. Katika Mataifa yote, Tanzania ndiyo walioanza kwenda kwa CHANZO HALISI Moja kwa Moja bila kupitia kwa Mwana. Ufahamu huu unatokana na Sauti ya CHANZO HALISI iliyosikika Kigoma Tanzania.
4) Ibada ni Uzalishaji
Katika Mwanzo 1:28 wakati Adamu na mkewe walipokuwa bado wako Kitangani kwa CHANZO HALISI (Isaya 49:16), kitu cha kwanza walichoambiwa ni kuzalisha. Aidha, wakati Adamu ameumbwa na anaonekana kwa macho (Mwanzo 2:7), kitu cha Kwanza alichoambiwa ni kulima na kutunza (yaani kuzalisha). Hiyo ndiyo Ibada ambayo CHANZO HALISI anaitaka.
Watumishi wa MUNGU baada ya Kitabu cha Mwanzo kuisha, hawakutaka tena Ibada ni Uzalishaji. Waliiga kile alichokuwa anafanya Musa, alipokuwa anawavusha wana wa Israeli kutoka Misri kwenda Kaanani. Kila mmoja alipenda Hema ya Kukutania, bila kujua kuwa ilimlazimu Musa kufanya hivyo kwa sababu ya mazingira ya Wana wa Israeli walipokuwa njiani kutoka Misri kwenda Kaanani. Tumerejea kule alikokuwa anataka CHANZO HALISI, ikiwa na maana ya Ibada ni Uzalishaji.
Tunakuja Kanisani kushukuru na kutoa heshima kwa CHANZO HALISI aliyetufanikisha kwenye Uzalishaji ambayo ndiyo Ibada. Hatujengi nyumba ya ibada Ofisini kwa kuwa tukimhudumia vizuri mteja pale kazini, hiyo ndiyo Ibada. Ufahamu huu unatokana na Sauti ya CHANZO HALISI iliyosikika Kigoma Tanzania.
5) Bustani Halisi
Wote tunafahamu Ezekieli 28:13-15, kwa Habari ya Bustani ya ADENI, yaani Bustani ya Kerubi. Aidha, tunaifahamu zaidi Bustani ya EDENI katika Mwanzo 2:8-15, ambayo pia unaweza kusema ni Bustani ya Adamu wa Kwanza. Pia, tunaifahamu Bustani ya Ibrahimu katika Mwanzo 13:10. Bustani zote hizi tatu, ziliibiwa na dunia kupitia Lutu. Ndiyo maana kila Sera waliyokuwa wanatunga duniani, ilikuwa inatekelezeka hata kama ni ngumu kiasi gani! Maana Bustani ilikuwa kwao kupitia Lutu.
Baada ya CHANZO HALISI kuja juu ya Nchi, kupitia Sauti iliyosika Kigoma Tanzania, amekuja mkononi mwake akiwa na Bustani Halisi (2Petro 3:13). Kwa mantiki hiyo, Chanzo cha Baraka kwa sasa ni Tanzania. Maana huwezi kuwa Chanzo cha Baraka bila kuwa na Bustani ya Aliyeumba kila kitu.
Bustani ya CHANZO HALISI inaletwa na Sauti yake, na kwa kuwa Sauti ya CHANZO HALISI imesikika mara Nne hapa Tanzania kupitia Kigoma, ina maana kuwa hatma sahihi ya Mkoa wa Kigoma ni BUSTANI YA CHANZO HALISI. Kwa lugha nyepesi Bustani maana yake ni Maisha ya Haki ambapo hakuna kuibiana vipawa, karama, viwekezo na talanta. Ufahamu huu unatokana na Sauti ya CHANZO HALISI iliyosikika Kigoma Tanzania.
6) Shamba Halisi
Katika Isaya 65:17-25, tunasoma kuwa CHANZO HALISI alipanga kuumba Mbingu (Moyo) Mpya na Nchi (Uzao) Mpya na kuwa mambo ya kwanza hayataingia Moyoni. Katika Shamba Halisi, Simba watakula majani kama Ng’ombe na Mwana Kondoo atalisha pamoja na Mwanasimba. Haya yanafafanuliwa pia katika Isaya 11:7-9. Mistari niliyotangulia kuonyesha pale juu, inafafanua zaidi kuwa, sasa ukijenga utakaa wewe na ukilima utavuna wewe. Msomaji utakubaliana na mimi kuwa kuna Vijiji ulikuwa ukijenga nyumba ya bati hukai na ukifanya mambo mazuri ulikuwa huyafaidi wewe; bali wengine.
Wakati huu wa Shamba Halisi, yaani Maisha ng’ambo ya 2Wakorintho 4:6, uchawi umeisha. Unajimu pia na uganga haupo tena. Hiyo ndiyo maana ya Shamba Halisi. Maisha ni tofauti kabisa na Majira Saba zilizopita ambapo wengi walikuwa wanaogopa kufanya maendeleo kwa sababu ya uchawi.
Kumbuka Wote Waliotumwa waliuwawa na wachawi. Kwa sababu hiyo, imebidi CHANZO HALISI aje Mwenyewe kukaa ndani ya Moyo wa kila mmoja anayetenda kwa haki ili kufuta uovu huo (Isaya 57:15). Hilo ndilo Shamba Halisi, tofauti na lile la zamani lililoua wote Waliotumwa (Mathayo 21:33-40). Ufahamu huu unatokana na Sauti ya CHANZO HALISI iliyosikika Kigoma Tanzania.
7) Kanisa Halisi
Katika Ufunuo 2 na 3, tunasoma habari za Makanisa Saba ambayo yalishindwa kupenya kwa sababu ya kilichoandikwa katika Danieli 7:21 na Ufunuo 13:5-7, kuwa kila anayetenda kwa haki alishindwa majira zote. Sasa Kanisa au jamii ya wanaotenda kwa haki hawashindwi tena kwa kuwa tumeingia katika Uwanja wa Moyo. Hapo tumetunga Methali, baada ya waliokuwa wakitesa Atendaye kwa haki kukomeshwa (Isaya 14:4-5).
Siri kubwa ni kuwa Uzao Halisi badala ya kuwa Waumini (Isaya 61:9). Tofauti iliyopo kati ya Waumini na Uzao Halisi ni Suala la Imani na Upendo. Katika 1Wakorinto 13:13, Kitabu kinasema kuwa kuna Imani, Tumaini na Upendo. Katika hayo Matatu lililo Kuu ni Upendo.
Tumeenda zaidi ya Imani na Tumaini baada ya kuwa na Upendo Uliopitiliza. Imani na Tumaini vilitugawa mno. Upendo hautugawi, bali unatuunganisha zaidi. Ndiyo maana tunahubiri mambo matatu peke yake: Imani; Upendo Usiobagua; na Uzalishaji. Katika haya matatu hatuwezi kupigana, badala yake tutapendana zaidi. Ukikuta kuna ambaye anachukia hayo matatu, basi ni mchawi. Ufahamu huu unatokana na Sauti ya CHANZO HALISI iliyosikika Kigoma Tanzania.
8) Mbingu Halisi na Nchi Halisi
Katika Isaya 66:22, tunasoma kuwa, CHANZO HALISI alikusudia kuumba Mbingu Halisi na Nchi Halisi ambayo itakaa mbele zake daima huku Uzao wake nao wakiwa mbele zake daima. Katika Isaya 65:17anasema mambo ya kwanza hayataingia katika Mbingu hiyo na Nchi hiyo. Ndiyo maana sasa kuna:
A) Maelewano ya Isaka na Ishmaeli
Katika Mwanzo 25:8-10, tunasoma kuwa Isaka na Ishmaeli walipomaliza kumzika Baba yao hawakusalimiana tena! Sababu kubwa ni tofauti ya Imani ya Mama wa Isaka na Mama wa Ishmaeli. Ibrahimu alimpenda CHANZO HALISI, alipoondoka, Imani na Tumaini upande wa Sara na Hajiri vikachukua hatamu; watoto wao wakatofautiana. Mafundisho mabaya pia yalianza kuwa Ishmaeli amechukua nafasi ya Isaka, wakati aliyewaibia wote wawili ni Lutu katika Mwanzo 13:10.
Hayo ndiyo mambo ya kwanza ambayo hayaingii katika Mbingu Halisi na Nchi Halisi. Katika Mbingu Halisi na Nchi Halisi Isaka na Ishmaeli wanaabudu pamoja kama tunavyosoma katika Isaya 19:23-25. Ufahamu huu unatokana na Sauti ya CHANZO HALISI iliyosikika Kigoma Tanzania.
B) Kuelewana kwa Kaskazini na Kusini
Kulikuwepo na maajabu (phenomenon) ambayo yalikuwa hayana majibu kwa kuangalia mwenendo wa kiuchumi katika maeneo yote ya Kaskazini na Kusini, kila Taifa na kila Bara. Kila Taifa na kila Bara Kaskazini ni matajiri na Kusini ni masikini. Siri kubwa ilikuwa katika Isaya 14:13, baada ya nyoka kuamua kwenda upande wa Kaskazini, na kuhifadhi kule utajiri ambao anatamba nao katika Luka 4:5-9, aliomwibia Adamu. Ufunuo 12:1 naye aliamua kwenda maeneo ya Kusini, wakapatana na kuweka mkataba na nyoka.
Ukisoma Ufunuo 12 yote, utadhani hawaelewani, kumbe wako pamoja! Majira hii, baada ya CHANZO HALISI kuja juu ya Nchi, amevunja kabisa hayo mapatano ya Ufunuo 12:1 na nyoka. Hakuna shida tena kati ya kaskazini na Kusini chini ya Ikweta, kama ilivyokuwa kabla ya CHANZO HALISI kuja. Ufahamu huu unatokana na Sauti ya CHANZO HALISI iliyosikika Kigoma Tanzania.
C) Mlima wa Uawala wa Amani
Katika Isaya 2:4, tunasoma kuwa kuna majira ambayo watu watatengeneza silaha zigeuke pembejeo za kwenda Shambani kulima. Hii ni kweli kwa kuwa jambo hili limethibitika maeneo mbalimbali. Moyo Halisi ndio unaotawala kila mahali sasa. Yeyote anayeishi Moyo ukimchokoza hachokozeki, utashindwa wewe. Mlima wa Utawala wa Amani, umeanzia Tanzania na umeenda kila mahali. Ufahamu huu unatokana na Sauti ya CHANZO HALISI iliyosikika Kigoma Tanzania.
9) Kushukuru(kuomba) kwa Mamlaka ya Damu Safi Nyeupe.
Mahali ambapo Mathayo 26:29, ilianza kutendewa kazi kama Yesu alivyosema kabla ya kunyakuliwa, ni Tanzania. Yesu, baada ya kugundua walichomfanyia pale Msalabani (kwa maana ya dunia kuchukua kila alichokuwa amepewa katika Efeso 1:21-23 kwa ajili ya Kanisa), aliwaambia wanafunzi wake kuwa Yeye hatakunywa tena damu ya Mathayo 26:26-28. Yesu aliwaambia wanafunzi wake kuwa atakunywa damu ambayo ni Halisi katika ufalme wa Baba yake.
Katika Ufunuo 11:6, tumepewa kibali cha kugeuza Maji kuwa Damu, ila kitabu hakisemi ni Damu ya aina gani. Hapo inategemea umefika wapi kiufahamu. Yesu katika Yohana 14:28, alisema Baba yake ni Mkuu kuliko Yeye. Hivyo, kwa kuwa Majira na wakati uliopo ni wa Baba yake Yesu, tunashukuru (tunaomba) kwa mamalaka ya damu ya CHANZO HALISI aliyekuwepo kabla ya chochote. Ufahamu huu unatokana na Sauti ya CHANZO HALISI iliyosikika Kigoma Tanzania.
10) Uwanja wa Moyo
Katika majira zote saba, kilichokuwepo ni Uwanja wa Roho na Nafsi. Hakuna aliyekuwa amewahi kufika kwenye Uwanja wa Moyo. Kati ya mambo ambayo ni lazima tumtukuze CHANZO HALISI, ni kutufikisha kwenye kituo cha Uwanja wa Moyo, ambapo tumepata Badiliko Halisi (1 Korintho 15:51).
Sulemani aliandika katika kitabu cha Muhubiri kuwa hakuna jipya (Muhubiri 1:9). Kwa kuufikia Uwanja wa Moyo tumepokea Limbuko Halisi la Kanisa na Kao Halisi pia (Yeremia 50:19-20). Aidha, kwa kuufikia Uwanja wa Moyo sasa siyo kutoka nje ya nyumba kupata ‘oxygen’ bali tunatoka nje ya nyumba kupata PUMZI YA UHAI (Mwanzo 2:7(a). Hili ndilo lilikuwa kusudi la Muumbaji tangu CHANZO.
Pia, kwa kufika kwenye Uwanja wa Moyo, sasa kila kitu kinamsifu CHANZO HALISI. Hilo ndilo KANISA, lililokusudiwa tangu CHANZO (Zaburi 98). Si hivyo tu, kwa kufikia Uwanja wa Moyo, sasa tumejua Aliyetuumba kuwa alikusudia kuishi nasi juu ya nchi. Ufahamu huu unatokana na Sauti ya CHANZO HALISI iliyosikika Kigoma Tanzania.
WENYEJI WA KIGOMA WAFANYAJE ILI KUPOKEA BARAKA YA SAUTI YA CHANZO HALISI ILIYOPITIA MJI HUU?
Kuna ujumbe ambao tunausoma katika I Falme 3:9-12. Sulemani alipochaguliwa na CHANZO HALISI kuongoza Taifa la Israeli, aliomba Hekima ya kuongoza siyo kwa nafsi yake, bali kwa utukufu wa CHANZO HALISI. Aidha, katika Isaya 42:8, tunasoma kuwa CHANZO HALISI hachangii utukufu na mtu yeyote.
Mimi baada ya kuisikia Sauti ya CHANZO HALISI mwaka 2015; 2019 na 2020, niliendesha ibada kwa wiki nzima kukataa sifa. Pamoja na habari njema hiyo, nimeanza kusikia maneno ya sifa binafsi kuwa Kigoma ina watoto wenye akili! Hapa tunahitaji kuwa na toba ili tusifarakane na CHANZO HALISI.
TOBA YA HIARI YA MOYO; UTAKASO NA HAKI INAHITAJIKA ILI TUPONE
Kilichosababisha Sulemani awe Tajiri kuliko wote, awe na fahari kuliko wote na apewe vitu vikubwa ambavyo alikuwa hajaomba, ni ule moyo wa unyenyekevu wa kutoomba kwa nafsi yake, bali kwa utukufu wa Aliyeumba kila kitu. Halikadhalika, kitakachoiponya Kigoma, siyo sifa binafsi kuwa ina watoto wenye akili, bali ni kunyenyekea zaidi na kukubali kuwa SAUTI YA CHANZO HALISI iliyosikika mara Nne Tanzania kupitia Kigoma siyo ujanja wa watoto wa Kigoma, bali ni uweza wa CHANZO HALISI mwenyewe ambaye hutenda aonavyo Yeye.
Katika hali ya kawaida na muonekano wa macho, CHANZO HALISI angekuja juu ya Nchi kupitia: Amerika; Uingereza; Ujerumani; Swedeni; Nigeria au South Afrika (kwa upande wa Afrika). Kwa kupenda kwake yeye mwenyewe ameamua apitie hapa Kigoma Tanzania. Wenyeji wa mji huu ili wapate thawabu ya CHANZO HALISI, watoe Matunda ya SHUKRANI, basi. Hakuna ziada, zaidi sana wampishe CHANZO HALISI ili atende Yeye mwenyewe aonavyo inafaa. Hili litatuepusha kilichotokea Mashariki ya Kati. TUSIKOSEE.
Author Name
Author Description!
Post a Comment