Mwenyekiti wa Jumuiya ya wazazi (CCM) Mkoa wa Kagera Alphonsina Barongo akizungumza katika kongamano
Na Alodia Babara
Bukoba,
Mwenyekiti wa jumuiya ya wazazi Chama Cha Mapinduzi (CCM) Mkoa wa Kagera Alfonsina Barongo ametoa maagizo mawili katika shule za Sekondari za Kashai na Bilele zilizopo Manispaa ya Bukoba mkoani Kagera ambayo ni kuundwa clabu za wanafunzi za maadili pamoja na kuimarisha vipindi vya dini katika shule hiyo ili vijana hao wawe na maadili mema.
Barongo ametoa Maagizo hayo mawili katika kongamano la wanafunzi hao lililofanyika shule ya sekondari Kashai kwa kuunganisha wanafunzi wa shule mbili za sekondari za Kashai na Bilele zenye Zaidi ya wanafunzi 1500 lengo la kongamano likiwa ni kuondoa mmomonyoko wa maadili kwa vijana wa nchi hii kutokana na tatizo la ushoga na usagaji ambalo limeanza kuibuka katika jamii.
Ameagiza walimu wakuu, walimu wa nidhamu, walimu wa zamu na walimu wa kawaida kuungana pamoja na kuunda klabu za wanafunzi za maadili ambazo zitakazosaidia kuelimisha wanafunzi hao kuhusu maadili mema pamoja na kuimalisha vipindi vya dini mashuleni kwa kuhamasisha kuwepo msukumo wa ufundishaji kama vipindi vingine.
“Clabu hizi zitasaidia kufundishana sisi kwa sisi, kuonyana sisi kwa sisi, walimu wakuu, walimu wa nidhamu, walimu wa zamu na walimu wote kwa ujumla tuungane katika kuunda clabu za maadili za wanafunzi na uwepo msukumo wa kufundisha vipindi vya dini maana najua vipo mashuleni lakini havina msukumo wa ufundishaji” Amesema Barongo
Amesema kuna wanafunzi wengine muda wa vipindi vya dini ndiyo muda wao wa kwenda kuvuta bangi na kwenda nyumbani hivyo vipindi vikiwepo mashuleni vitasaidia kufundisha maadili mema kwa watoto wetu na watoto watakaposhika dini wataweza kuepukana na mmomonyoko wa maadili na kuwa watoto wema na tutapata mama na baba wa badae.
Aidha amemtaka mtendaji wa kata ya Kashai kuhakikisha wanafunzi wote wanakunywa uji au kula chakula shuleni ni baada ya kubaini kuwa shule ya Kashai ina wanafunzi zaidi ya 800 lakini waliokuwa wanakunywa uji/kula chakula shuleni walikuwa wanafunzi 131 kutokana na mwitikio wa wazazi katika kuchangia kuwa mdogo.
Katibu wa jumuiya ya wazazi (ccm) mkoa wa Kagera Chuki Alex ametaja kazi za jumuiya hiyo kuwa ni kuunganisha nguvu wilaya na mkoa, kuwahusisha wazazi katika kuwaunganisha katika malezi na makuzi.
Alex amesema katika maadhimisho ya miaka 68 ya kuzaliwa kwa jumuiya hiyo ya wazazi wamefanya makongamano mbalimbali katika shule za sekondari za Bukoba, Kashai na Bilele kwa kufundisha mada mbalimbali za utandawazi, malezi na makuzi, mmomonyoko wa maadili, ukatili wa kijinsia na Rushwa na kilele kitafanyika April 28, mwaka huu Bukoba vijijini katika kata ya Nyakato kituo cha kulelea wazee cha Kilima.
Akitoa mada ya malezi na makuzi kwa wanafunzi hao mjumbe wa kamati ya utekelezaji mkoa John Bahebe aliwasisitiza wanafunzi kuacha kuiga tabia za kigeni ambapo alisema kuna tabia za ushoga na usagaji zinafanyika na kuwa tabia hizo zinaharibu mila na tamaduni za Kitanzania.
Akitoa elimu kwa wanafunzi hao amesema wanapaswa kutoa taarifa pale watakapogundua kuna vitendo vya ushoga na usagaji vinafanyika miongoni mwao kwani vitendo hivyo vikifanyika vinaharibu kizazi cha leo na kizazi kijacho.
“Mtu akijihusisha na ushoga na usagaji husababisha misuri ya uzazi kulegea na mwisho wake husababisha kama ni mwanamke au mwanamme kujikuta anatokwa kinyesi na aja ndogo ovyo jambo ambalo litamlazimu kujifunga pampasi” Amesema mwl Bahebe
Aidha ametoa Rai kwa walimu ambao ni walezi kuendelea kuwalea watoto kwa kuwafundisha maadili mema wanapokuwa shuleni na kuita mikutano ya wazazi na kujadiliana nao kuhusu tabia za watoto wao.
Author Name
Author Description!
Post a Comment