URASIMISHAJI BIASHARA ZA BODABODA/BAJAJI MBIONI KUANZA-MKURABITA

Kaimu Mkurugenzi wa Kurasimisha Ardhi na Biashara wa  Mpango wa Kurasimisha Ardhi na Biashara za Wanyonge Tanzania (MKURABITA), Jane Lyimo akizungumza wakati wa ufunguzi wa kikao cha wadau  wakati wa kuwasilisha  Taarifa ya Tathmini ya Utafiti wa Msingi wa Biashara ya Bodaboda/Bajaji katika Halmashauri ya Jiji la Dodoma kilichofanyika Ukumbi wa Ofisi ya Taifa ya Takwimu jijini Dodoma leo Agosti 11,2021.

Akizungumza katika kikao hicho, Lyimo amesema kuwa lengo la utafiti huo ni  kuandaa mpango wa kurasimisha shughuli za  waendesha bodaboda na bajaji ili wawe kwenye mfumo rasmi  wa kuaminiwa kukopesheka na taasisi za fedha kuboresha maisha yao kiuchumi.

Lyimo amesema kuwa shughuli za urasimishaji  wa vyombo hivyo, unaakisi dhana ya mpango wa Mkurabita wenye lengo la  kuwawezesha wananchi kurasimisha rasilimali na biashara wanaomiliki na kuzitumia kama nyenzo ya kujiongezea  kipato, mitaji na kupanua wigo wa ushiriki katika uchumi wa kisasa, unaoongozwa na sheria na kanuni za uchumi wa soko la ushindani.

Aidha, Lyimo amesema kuwa utafiti huo ulifanyika jijini Dodoma ni maandalizi ya uzinduzi wa urasimishaji wa shughuli hizo kwa nchi nzima ambapo wataanzia Makao Makuu ya Nchi Dodoma.

Naye, Afisa Urasimishaji na Uendelezaji Biashara wa MKURABITA, Zabron Makoye ameeleza  jinsi utafiti ulivyofanywa na matokeo yake kuwa walianza kwa kukusanya dodoso za waendesha bodaboda/bajaji  zilikusanywa kwa  kwa kutumia simu janja na kwamba dodoso hizo  zilitumika  kupata taarifa za biashara.

Amesema kuwa uchambuzi wake ulilenga kupata taarifa za mahitaji halisi ya biashara hiyo ili kuwezesha timu ya urasimishaji kupanga vizuri mafunzo yaliyolenga kutatua changamoto ambazo wafanyabiashara walengwa  wanakumbana nazo.

Afisa Urasimishaji na Uendelezaji Biashara wa MKURABITA, Zabron Makoye akielezea  jinsi utafiti ulivyofanywa na matokeo yake kuwa walianza kwa kukusanya dodoso za waendesha bodaboda/bajaji  zilikusanywa kwa  kwa kutumia simu janja na kwamba dodoso hizo  zilitumika  kupata taarifa za biashara.

Meneja Urasimashaji Biashara wa MKURABITA,Hancy Kombe akichokoza mada wakati wa kikao hicho. 

Baadhi ya wadau wakiwa katika kikao hicho

Kikao kikendelea

Afisa Mfawidhi wa Mamlaka ya Udhibiti wa Usafiri Ardhini (LATRA) Dodoma, Ezekiel Emmanuel akichangia mada wakati wa kikao hicho.

Meneja Mauzo wa Kanda wa Benki ya NMB, Ungandeka Mwakatage akielezea kuhusu vigezo vya kukopa fedha kwenye benki hiyo.

Katibu wa Umoja wa Waendesha Bodaboda Mkoa wa Dodma, Remigius Fulgence akielezea namna wanachama wao wanavylaghawiwa na wwatu wanaoingia mikataba ya kuendesha bodaboda ambapo muda ukikaribia wa kumaliza mkataba wanazushiwa jambo linalosababisha kutokabidhiwa bodaboda kama walivyokubaliana awali. Amesema kuwa  urasimishaji unaotarajiwa kufanywa na MKURABITA utakuwa ni ukombozi kwao.

Imeandaliwa na Richard Mwaikenda

Mhariri Blog ya Taifa ya CCM

0754264204
 

• email
• facebook
• linkedin
• twitter
• reddit
• google+

Author Name

Author Description!

Get Free Email Updates to your Inbox!

• Rss
• Twitter
• FaceBook
• Google +