Na CCM Blog, Saranga, Ubungo
Viongozi wa Jumuiya ya Chama Cha Mapinduzi (CCM) ya Umoja wa Wanawake Tanzania (UWT) mkoa wa Dar es Salaam, wamegawa taulo za kike kwa Wasichana zaidi ya 70 wa Shule ya Sekondari ya Saranga Wilayani Ubungo, huku wakilaani tukio la kunyongwa mtoto na msichana wa kazi na vitendo vya wanaume kuua wake zao vilivyokithiri.
Pia viongozi pamoja na kuwapatia taulo za kike wamewafunda wanafunzi wa kike wa shule hiyo ya Saranga kujikita katika masomo na kujiepusha mambo ya hovyo ambayo yatawasababisha kushindwa kutimiza ndoto zao za kufanikiwa kimasomo na kuja kuwa miongoni watakaolisaidia Taifa kufanikiwa katika nyanja mbalimbali.
Viongozi hao wakiongozwa na Mwenyekiti wa UWT mkoa wa Dar es Salaam Florence Masunga, Katibu wa UWT wa mkoa huo Paulina Bupamba na Mjumbe wa Halmashauri Kuu ya Taifa (NEC) ya CCM, wamegawa taulo hizo za kike na kuyasema hayo katika hafla iliyofanyika katika shule ys Sekondari ya Saranga, jana.
"Bila shaka wanangu mnamjua Rais wetu Mheshimiwa Suluhu Hassan", Mwenyekiti Florence akawauliza Wasichana wa Shule ya Sekondari ya Saranga nao wakajibu, "Ndiyoooo". Akasema;
"Kama mnavyomjua kuwa ni Mwanamke wa kwanza kuwa Rais wa Nchi yetu na ameonesha utendaji kazi uliotukuka, sasa ninyi hamna ndoto ya kuwa Samia?" Wanafunzi wote wa kike ambao ndiyo pekee walioitwa kweneye hafla hiyo wakanyoonya mikono juu na kusema "tunayoooo".
"Basi kama mna ndoto za kuwa Samia na kuwa viongozi mbalimbali watakaolijenga Taifa letu la Tanzania hakikisheni mnazingatia masomo kwa bidii na kuachana kabisa na mambo ya hovyo yatakayozuia kutumiza ndoto zenu", akasema Mwenyekiti Florence Masunga.
"Pia naomba kutumia nafasi hii, kutamka kwamba, UWT mkoa wa Dar es Salaam, tunalaani na kukemea vikali tukio lililotokea katika Kata hii ya Saranga la Msichana mfanyakazi wa ndani kumuua mtoto asiye na hatia kwa kumnyonga.
Pia tunalaani na kukemea vikali matukio ya wanaume kuwaua wake au wenza wao kwa njia mbalimbali ikiwemo kutumia risasi ambao yanaonekana kushamiri, tunaiomba Serikali ichukue hatua za kisheria dhidhi ya wanaohusika na matukio haya ambayo yanalidhalilisha taifa letu", akasema Mwenyekiti Florence Masunga na kuongeza;
Wakati tunalaani hii kadhia ya Wanaume kuwaua wake zao, tunawaasa pia wanawake kuwaheshimu waume zao, kama vitabu vinavyosema, na wanaume wawaheshimu wake zao pia kama vitabu vinavyosema, maana tunaamini hili likizingatiwa katika jamii zetu mauaji haya yatapungua au kuisha kabisa.
Kwa upande wake Katibu wa UWT mkoa wa Dar es Salaam Paulina Bupamba akiwafunda wanafunzi hao wa kike, aliwataka kukwepa kabisa kujihusisha na mambo ya mitandao ya Kijamii na badala yake kuzingatia masomo ili kuhakikisha wanatimiza ndoto zao.
"Mnajua watoto, hii mitandao ya kijamii inaharibu sana ufuatiliaji wa masomo, kwa hiyo hakikisheni kila mmoja wenu anaikwepa na kuzingatia masomo yake, maana ukizingatia masomo, kisha ukafaulu vizuri ndiyo njia pekee ya uhakika itakayokuwezesha wewe mtoto wa kike kutimiza ndoto zako", akasema Katibu Paulina Bupamba, huku wanafunzi hao wakimshangilia kuonyesha kuyakubali maneno yake.
Naye Mjumbe wa NEC Angelina (Angel) Akilimali pia aliwaasa wanafunzi hao kuwepa vishawishi ambayo huwakumba wanafunzi wa kike ikiwemo vijizawadi vya vyakula ikiwemo chipsi, usafiri wa bure wa bodaboda na kujihusisha na makundi ya wale wasichana na wavulana wa mitaani wasiojua umuhimu wa masomo.
Mwanzo👇
"Haya Mwalimu, sisi tunaondoka, tutarudi siku nyingine tunawatakia kila la heri katika mapambano haya ya kuwafkisha watoto wetu katika ndoto zao", akasema M-NEC Akilimali wakati akiagana na Mkuu wa Shule ya Saranga baada ya hafla hiyo.
© June 2022 CCM Blog/Bashir Nkoromo
Author Name
Author Description!
Post a Comment