RAIS SAMIA AMTENGUA DK. CHEGENI UKUU WA MKOA WA MARA, AMTEUA MEJA JENERALI MZEE

Ikulu

Rais Samia Suluhu Hassan ametengua uteuzi wa Dk. Raphael Chegeni aliokuwa ameufanya hivi majuzi kuwa Mkuu wa mkoa wa Mara, badala yake amemteua Meja Jenerali Suleiman Mungiya Mzee kushika nafasi hiyo.

Taarifa iliyotolewa ikiwa imetiwa saini na Mkurugenzi wa Mawasiliano ya Rais, Ikulu, Zuhura Yunus, Julai 31, 2022 usiku, imesema uapisho utafanyika leo Agosti Mosi, 2022, Ikulu jijini Dar es Salaam.

"Kabla ya uteuzi huo Meja Jenerali Suleiman Mzee alikuwa Kamishna Jenerali wa Jeshi la Magereza (CGP)", imesema taarifa hiyo.